خواتین کے چہرے سے بال ختم کرنے کا بہترین اور سادہ نسخہ۔۔۔۔۔۔۔۔۔۔

جہاں سر کے لمبے بال خواتین کی خوبصورتی میں اضافہ کرتے ہیں وہیں چہرے، گردن اور جسم کے دوسرے حصوں پر غیر ضروری بال شخصیت کو بد نما بناتے ہیں۔یہ اضافی اور غیر ضروری بال اکثر پیشانی ،آنکھوں کے اردگرد ،ہونٹوں کے اوپری حصے،ٹھوڑی اور چہرے کے اطراف میں موجود ہوتے ہیں۔چہرے پر غیر ضروری بالوں کا اگنا فطری خوبصورتی کو ماند کر دیتا ہے جن سے چھٹکارا پانے کیلئے خواتین بلیچ ، تھریڈنگ ، کریم ،لوشن اورکیمیائی مصنوعات کا سہارا لیتی ہیں جوصرف عارضی نتائج مرتب کرتے ہیں لیکن ان کے ضمنی اثرات کی وجہ سے جلد خراب ہو جاتی ہے جبکہ اس کام کے لیے پیسے بھی کافی زیادہ خرچ ہو جاتے ہیں۔

اصل میں چہرے پر غیر ضروری بالوں کا مسئلہ عام طور پرہارمونز کے عدم توازن کی وجہ سے پیدا ہوتا ہے۔اس کے علاوہ غیر متوازن غذاؤں کا استعمال، ٹینشن اور موروثیت بھی اس مسئلے کا سبب بن سکتی ہیں۔ خواتین کے چہرے پرغیرضروری بالوں کے خاتمے کیلئے اگر کیمیائی مصنوعات کے بجائے قدرتی نسخوں کا استعمال کیا جائے تو اس سے جلد نہ صرف منفی اثرات سے محفوظ رہتی ہے بلکہ چہرے کے بالوں کی نشودنما بھی کم ہوجاتی ہے اور چہرہ دلکش اور حسین نظر آنے لگتا ہے۔

آج ہم آپکو ایک نسخہ بتائیں گے جس کے استعمال سےاضافی بالوں سے نجات حاصل کرنے میں مددملے گی۔ آپ دو کھانے کے چمچ ،ملتانی مٹی ، ایک چائے کا چمچہ ،بوڑھ کے درخت کی گوند اور ایک کھانے کا چمچ، میڈیکیٹڈ ابٹن، عرق گلاب میں مکس کرکے پیسٹ بنالیں اور چہرے کے غیر ضروری بالوں پر لگائیں۔اس پیسٹ کو آدھا گھنٹہ لگا رہنے دیں اورجب خشک ہوجائے تو عرق گلاب سے دھولیں۔ہفتے میں دو بار اس کے استعمال سے آپ کے چہرے کے بال تیزی سے ختم ہونا شروع ہوجائیں گے اور چہرے کی جلد بھی پر رونق اور چمکدار ہو جائے گی۔ اسی طرح اگر آپ آدھا کپ بیسن ، ہلدی اور ایک کھانے کا چمچہ بالائی کو دودھ میں مکس کرلیں اس کے بعدجوپیسٹ بنے گا اس کو چہرے کے فالتو بالوں پر لگا ئیں۔بیس منٹ  اس کو فالتو بالوں پر لگا رہنے دیں۔ خشک ہونے پر اپنی ہتھیلیوں کی مدد سے بالوں کی اُلٹی سمت رگڑیں،یہ چہرے سے بال ختم کرنے کے ساتھ ساتھ رنگت نکھارنے کا بھی سبب بنتا ہے۔۔۔

اُمید ہے آپ کو ہماری آج کی پوسٹ پسند آئی ہو گی۔ اگر اچھی لگی ہو تو کمینٹ میں بتائیں اور اپنی دوستوں سے واٹس ایپ ، فیس بک اور دیگر سوشل میڈیا پر ضرور شئیر کریں تا کہ وہ بھی اس قدرتی نسخے سے فائدہ اُٹھا سکیں۔