بھارتی ریاست تلنگانہ میں ڈاکٹروں نے معمر شخص کے گردے سے 206 پتھریاں نکال لیں۔غیر ملکی میڈیا کے مطابق میڈیکل کی ہسٹری میں کسی انسان کے گردے سے سیکڑوں پتھریاں نکلنا ایک عجوبہ ہے ، لیکن ریاست تلنگانہ کے شہر حیدرآباد کا 56 سالہ شہری کے گردے میں سیکڑوں پتھریاں پائی گئیں۔مریض کے گردے میں گزشتہ چھ ماہ سے شدید درد ہورہا تھا جو گرمی کی شدت میں اضافے سے مزید بڑھ گیا۔56 سالہ معمر مریض نے نے ڈاکٹر سے رجوع کیا تاہم ڈاکٹر کی دی ہوئی دوائیں کام نہ آئیں درد میں اضافہ ہوتا رہا، جس پر ڈاکٹروں نے مریض کو کچھ ٹیسٹ تجویز کیے۔کلینکل رپورٹس کےبعد پتہ چلا کہ مریض کے گردے میں 206 پتھریاں موجود ہیں جنہیں ایک گھنٹے کی سرجری کے بعد گردے سے نکالا گیا۔یورولوجسٹ کا کہنا ہے کہ گرمی کی شدت میں اضافے کے باعث اکثر لوگ ڈی ہائیڈریشن کا شکار ہوجاتے اور پانی کم پینے کی وجہ سے ان کے گردے میں پتھری ہوجاتی ہے۔
ڈاکٹر کا کہنا تھا کہ شہریوں کو دھوپ میں باہر نکلنے سے گریز
کرنا چاہیے یا دھوپ میں کم سے کم سفر کرنا چاہیے اور گرمی بڑھنے پر سوڈا پینے سے
بھی گریز کرنا چاہیے۔
No comments:
Write $type={blogger}