تربوز کے ایسے فائدے جسے جان کر آپ حیران رہ جائیں گے......

تربوز کا بیشتر حصہ پانی پر مشتمل  ہو تا ہے۔ 80 سے 90 فیصد پانی کی بنا پر یہ فوری پیاس بجھاتا ہے جس کی ذود ہضم شکریات اسے فوری توانائی کا خزانہ بناتی ہیں۔ گرمیوں میں تھکاوٹ سے متاثر ہونے والے افراد کے لیے یہ قدرت کا انمول تحفہ بھی ہے۔ تربوز میں گودے کی کمی کے باوجود اس میں کئی طرح کے مفید اجزا موجود ہیں جس کی فہرست بہت طویل ہے۔ تربوز میں فولاد، پوٹاشیئم، سوڈیئم، فاسفورس، کیلشیئم، اور دیگر قیمتی اجزا موجود ہیں۔ یہ معدے میں جاکر پورے نظامِ ہاضمہ کو انتہائی طاقتور اور بہتر بناتا ہے۔ امریکی ویب سائٹ
ہیلتھ لائن نے تربوز کے نو بڑے فوائد بیان کیے ہیں جو فوری حاصل ہوتے ہیں۔

یہ پیاس بجھاتا ہے اوربدن میں پانی کی مقدار کو برقرار رکھتا ہے

اس کے گودے میں کئی مرکبات اور معدنیات پائی جاتی ہیں

کئی تحقیق سے ثابت ہے کہ یہ کینسرکی راہ میں رکاوٹ ہے

سب سے بڑھ کر دل کے لیے بہت مفید ہے

اس میں موجود بعض اجزا جلد کو خوبصورت بناتے ہیں اور یہی وجہ ہے کہ بعض حسن آور کریموں اور فیس پراڈکٹ میں تربوز کے اجزا شامل کیے جاتے ہیں۔

دل اور بلڈ پریشر میں مفید

تربوز میں موجود لائسوپین اور دیگر اقسام اینٹی آکسیڈنٹس کی بدولت یہ ذیابیطس کا خطرہ بھی ٹالتا ہے۔ یہی لائسوپین سخت دھوپ میں جلد کو جھلسنے سے بھی بچاتا ہے۔

یہ جوڑوں کے درد اور ان کی اندرونی سوزش کم کرتا ہے۔ اس لیے تربوز کا باقاعدہ استعمال جوڑوں کے درد سے بھی محفوظ رکھنے میں اہم کردار ادا کرتا ہے۔

تربوز میں وٹامن اے کی اچھی مقدار موجود ہوتی ہے جو آنکھوں اور بصارت کے لیے بہت ضروری وٹامن ہے۔ اگر روزانہ تربوز کی صرف ایک قاش بھی کھائی جائے تو اس سے روزمرہ وٹامن اے کی 10 فیصد تک مقدار حاصل ہوتی ہے۔ اس لیے بالخصوص بچوں کو تربوز ضرور کھلائیں۔

تربوز اینٹی آکسیڈنٹس اور کئی طرح کے امائنو ایسڈ سے بھرپور ہے جو ورزش کرنے یا کام کی قوت بھی فراہم کرتا ہے۔ یوں نوجوانوں کے لیے تربوز سے بڑھ کرکوئی بہترین مقوی غذا نہیں۔