تلی ہوئی اشیا کی کثرت پیٹ کے امراض میں مبتلا کر سکتی ہے

طبی ماہرین نے  خبردار کیا ہے کہ سحر و افطار میں زیادہ مصالحے دار اور تلے ہوئے لوازمات سے پرہیز کریں ، دودھ سے بنی غذا کا انتخاب اور پھل کا استعمال مفید ثابت ہوگا، دودھ اور پھلوں کے استعمال سے نظام ہاضمہ بہتر کیا جاسکتا ہے،سادہ کھانا ہی سب سے بہتر ہے۔ طبی ماہرین نے مزید کہا کہ پانی کے موثر استعمال سے جسم میں موجود پانی کی کمی کی شکایت کو دور کیا جاسکتا ہے، ذیابیطس ، بلڈ پریشر سمیت  دیگر امراض میں مبتلا افراد کے لیے لازم ہے کہ اپنے طبیب کی تجاویز کے مطابق متوازن غذا کا استعمال کریں، روزہ کجھور سے کھولنے کے بعد چند پھلوں سے افطار کریں ، بیک وقت تلی ہوئی اشیا سے افطار کرنے کے باعث افراد کو بدہضمی ہوسکتی ہے۔

یہ توجہ طلب بات ہے کہ ڈاکٹرز کی مسلسل تجاویز کے باوجود عوامی سطح پر اس حوالے سے آگاہی کی کمی  ہے،طبی ماہرین نے محکمہ صحت  سے اپیل کی ہے کہ عوام کو طبی اصولوں سے آشکار کرنے کیلیے مہم چلائی جائے۔