اگر آپ سگریٹ چھوڑنا چاہتے ہیں تو یہ طریقے آپ کے لیے بہت مددگار ثابت ہو سکتے ہیں۔

 

پاکستان سمیت دنیا بھر میں 31مئی  کو انسداد تمباکو نوشی کا عالمی دن (نو ٹوبیکو ڈے) منایا جاتا ہے۔ عالمی ادارہ صحت کے مطابق تمباکو نوشی سے ہر سال دنیا بھر میں 80 لاکھ افراد لقمہ اجل بن جاتے ہیں۔اس دن کو عالمی سطح پر منانے کا آغاز عالمی ادارہ صحت نے 1987 میں کیا جس کاواحد  مقصد تمباکو نوشی سے ہونے والے مختلف امراض اور اموات کی طرف دنیا کی توجہ  مبذول کرواناتھا۔عالمی طبی ماہرین کے مطابق تمباکو نوشی کے باعث ہر سال موت کا شکار ہونے والے 80 لاکھ افراد میں سے تقریباً 6 لاکھ کے قریب ایسے افراد ہوتے ہیں  جو خود تمباکو نوشی نہیں کرتے۔ایسے افراد دوسروں کی سموکنگ سے پیدا ہونے دھوئیں کے باعث مختلف قسم کی جان لیوا بیماریوں میں مبتلا ہوجاتے ہیں اور بعد ازاں جان کی بازی ہار جاتے ہیں۔

ان 6 لاکھ میں سے ایک تہائی نمبر کمسن بچوں کاہے جو اپنے والدین یا دیگر اہل خانہ کی سگریٹ نوشی کے باعث جان کی بازی ہار جاتے ہیں۔ویسے ایک بات سمجھنے سےعقل قاصر ہے انسان کو اگر اپنےکسی رشتہ دار سے  نفرت ہو جائے تو وہ اس کو چھوڑنے میں ایک لمحہ بھی نہین لگا تا ہے ، سگریٹ تو ایک عام سی شے ہے اس سے کیوں جان نہیں چھڑوا سکتا ۔ اس کے لیے سب سے بڑی چیز مسمم ارادہ ہے۔ عالمی ماہرین صحت کا کہنا ہے اگر آپ تمباکو نوشی کی عادت سے جان چھڑوانا چاہتے ہیں تو اس کے لیے ان 5 طریقوں پر سختی سے عمل کریں۔

1۔       شرو ع شروع میں ماہ میں صرف ایک دن یا ایک تاریخ کا تعین کریں اور اس دن سگریٹ مکمل طور پر بند رکھیں  اور اسی طرح دنوں کی تعداد کو بڑھاتے جائیں۔آہستہ آہستہ سگریٹ نوشی سے نفرت ہونے لگے گی۔

2۔       تمباکو نوشی چھوڑنا ایک مشکل مرحلہ ہوسکتا ہے لہٰذا اپنے اہلخانہ اور دوستوں سے مدد کے لیے کہیں۔

3۔       متوقع اثرات جیسے سر درد، جسم میں کھنچاؤ یا بے چینی کے بارے میں پہلے سے تیار رہیں اور ان کا سدباب کر رکھیں۔       ایسے موقع پر لیموں پانی یا خشک میوہ جات سے سگریٹ کی طلب کو بہلایا جاسکتا ہے۔

4۔       اپنے ارد گرد سے سگریٹ اور لائٹر وغیرہ ہٹا دیں۔اس حوالے سے اپنے ڈاکٹر کو ضرور آگاہ کریں۔

5۔       سگریٹ نوشی چھوڑنے کے مختلف انگریزی اور ہومیو پیتھک ادویات بھی موجود ہیں آپ انکا سہارا لے سکتے ہیں تاکہ آپ کسی بھی متوقع طبی پیچیدگی سے محفوظ رہیں۔

اگر آپکو ہماری یہ پوسٹ پسند آئے تو اسے شئیر ضرور کیجیے۔