پنجاب حکومت کا انقلابی اقدام اب کینسر اور ٹیومر کا علاج بھی صحت کا رڈ کے ذریعے ہوگا۔ دیکھیں کون کون سے ہسپتال صحت کارڈ پر علاج کریں گے۔

پنجاب حکومت پنجاب نے لاہور گھرکی ٹرسٹ ٹیچنگ اسپتال میں صحت کارڈ پر سائبر نائف ٹیکنالوجی سے علاج کی منظوری دے دی۔

روبوٹک طریقہ سے کینسر اور ٹیومرز کا علاج کرنے والی  سائبر نائف ٹیکنالوجی  اب لاہور میں بھی کینسر کے مریضوں کے علاج کے لئے دستیاب ہے۔لاہور گھرکی ٹرسٹ ٹیچنگ اسپتا ل میں سائبر نائف ٹیکنالوجی سے مریضوں کا علاج کرنے والے ریڈی ایشن کنسلٹنٹ کا کہنا ہے کہ سائبر نائف ٹیکنالوجی کینسر کے علاج کے ساتھ ساتھ ، کینسر کی وہ اقسام جن کا علاج سرجری کے ذریعے ممکن نہیں ہو پاتا یا جہاں سرجن کیس لینے سے انکار کر دیتے ہیں، وہاں سائبر نائف ٹیکنالوجی کا استعمال کیا جاتا ہے۔انہوں نے مزید کہا کہ بعض دفعہ ایسی صورتحال بھی ہوتی ہے جہاں مریض کو کینسر نہیں ہوتا بلکہ ٹیومر ہوتا ہے، اسکا علاج بھی سائبر نائف سے ہو سکتا ہے۔
مشین کے کام کرنے کے طریقے کار کے حوالے سے بتاتے ہوئے ریڈی ایشن کنسلٹنٹ کا کہنا ہے کہ سائبر نائف ٹیکنالوجی کی حامل یہ مشین روبوٹک انداز میں مختلف سمتوں میں گھوم کر بالکل اسی جگہ کو ٹارگٹ کرتی ہے ، جہاں ریڈی ایشن کرنا ہوتی ہے۔ انہوں نے کہا کہ سائبر نائف ٹیکنالوجی کینسر اور ٹیومر جیسے امراض کیلئے روائتی تابکاری کے انداز سے بہتر ہے ۔تابکاری کے طریقہ سے ملحقہ اعضاء کو بھی نقصان پہنچتا ہے۔پنجاب حکومت کی جانب سے صحت کارڈ کی سہولت پر ، کینسر اور ٹیومر کے مریضوں کو گھرکی ٹرسٹ ٹیچنگ اسپتال میں سائبر نائف ٹیکنالوجی سے علاج کروانے کی منظوری دے دی گئی ہے ۔ ریڈی ایشن کنسلٹنٹ کے مطابق مشین کے ذریعے کینسر کی ابتدائی سٹیج والے مریضوں کا بغیر کسی نقصان علاج کیا جا سکتا ہے۔ اگر کوئی ایسامریض ہو جسکا کینسر چوتھی سٹیج پر ہو اور  پھیل کر کسی دوسرے اعضاء کو متاثر کر رہا ہے تو ایسے ٹیومرز کا علاج بھی مشین کے ذریعے ہو سکتا ہے۔